Jaegerswyk uutspit
In de laandmeetgroep het veural Lieuwe Tiesinga van Nanninga bi’j Oosterwoolde verleden maonden wark verzet om de akten van Jaegerswyk boven taofel te kriegen. Daornaost het hi’j ze in leesber Nederlaands van now te vertaeld.
Behalven dawwe now weten dat et ‘heerenhuzinge’ Jaegerswyk d’r op ‘e Middelburen mar staon het tussen 1840 en 1872, is et now echt dudelik wodden dat et ‘heerenhuizinge‘ in 1872 ofbroken wodde. Mar een volgende verkoopakte van Jaegerswyk passeerde (nao een verkoopakte van 1868) in 1874 opni’j, wat betrekking hadde op de boerderi’j van et laandgoed Jaegerswyk. In die akte wodde ok vermeld dat et veurmaelige ‘heerenhuizinge’ al sloopt was. Now is wieder nog boven taofel kommen dat Jaegerswyk overhaost bouwd wodde vanof 1838, omreden de eerste eigener Hylkema, die al in Makkinge woonde, de huur opzegd wodde en hi’j lichtaaksn eerst nog in de boerderi’j Jaegerswyk wooonde, wiels et ‘heerenhuizinge’ bouwd wodde. Mit Lieuwe zien sneupwark in Tresoar is Jaegerswyk now haost ‘uutspit’.
Ankem veurjaor 2010 zal de laandmeetgroep nog waeterpassings uutvoeren. Dan kun de grondborings van 2007-2008-2009 in dwasprofielen van et gebied op ‘e Middelburen uuttekend wodden. Tegere mit de teksten uut de akten wodt straks een beeldend verhael van een stokkien Makkinge verteld.
Kiek bi’j kemissies wie as d’r in de laandmeetgroep en de Jaegerswykgroepen zitten.
Lieuwe Tiesinga het de volgende stokken over Jaegeswijk veur oons opzocht in de archieven:
Gegevens Adriani, Makkinga48 KB