Film Friese Waterlinie
Hierboven kuj’ de ‘trailor’ zien (anklikken) die as op You Tube staot veur de eerste peblieke vertoning op 12 december 2010 in et Kaarkien in Blesdieke.
De Friese Waterlinie het waarkt in de tied van Bomen Berend, 1672-1673. Schaansen as de Zwattendieksterschaans aachter Haulerwijk en de Breebergschaans aachter Donkerbroek bi’j wat 
now Waskemeer is heurden daorbi’j, mar ok de Beckhofschaans en hiel et dörp Sliekeborg. Goenend van die schaansen stammen al van de Tachtigejaorige oolog tegen de Spanjaorden.
Ok Schaans bi’j Makkinge
Wat vule meensken niet wussen is dat ok bi’j Makkinge een schaans legen het van de Friese Waeterlinie. Roegweg lag die tussen wat now et Harken-zandpad is (de Oolde Bovenweg dus) en wat now de Oosterhuusweg is, op et laand van Jansma. Temeensten, dat wodt as meerst waorschienlik plak zien.
Disse schaans is bouwd in 1673. In 1937 bin pas de laeste resten opruumd, steek-archeoloog H.J. Popping het d’r nog foto’s maekt van de wallen van de schaans. Ok het hi’j een artikel over oonze schaans schreven die aj’ op disse webstee oonder et koppien Geschiedenis veur 1900 teroggevienen kunnen.
Klik veur et artikel van Popping en meer over de schaans Makkinge 
Schans Makkinga artikel Popping2.14 MB
D'r is een historisch warkstok maekt Leve Makkinge! Kiek hiere veur meer daorover.
En KLIK HIER aj’ meer nog over de film De Friese Waterlinie weten willen en over de DVD Friese Waterlinie die aj' bestellen kunnen.
De Stellingwarver tiedelike filmploeg Streek in Beeld het aende oktober et Docudrama De Friese Waterlinie in premiere laoten gaon. 53 volwassenen en kiender die mitwarkt hebben an disse amateur streek-produktie weren daorbi’j anwezend in kefe-restaurant Boszicht in Ni’jberkoop. Elkeniene die op iene of aandere menier mitwarkt het, kreeg de film op DVD van de filmploeg. In de filmploeg weren meerdere leden van de Historische Verening Makkinge e.o. aktief (Hans Salverda, Johannes Meester, Nicolette Hartong).
In Stellingwarf-Oostaende zal januari-februari 2011 ok een vertoning orgeniseerd wodden. Daotum, tied en plak wodden nog prikt. Aj’ daor al vraogen over hebben kuj’ daor kontakt wel over opnemen mit de HvM Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
